Il biatlet svizzer Sebastian Stadler ha fatg a Kontiolahti en la Finlanda il meglier resultat da sia carriera. Stadler è vegnì sin plazza 15 en il sprint da 10 kilomenters. El ha sajettà senza sbagls ed ha era mussà ina buna prestaziun sin la loipa. Gudagnà il sprint ha il Franzos Quentin Fillon Maillet.
Il sprint da las dunnas ha gudagnà Denise Herrmann da la Germania, quai avant la Norvegiaisa Tiril Eckhoff e la Svedaisa Stina Nilsson. Sco meglra Svizra è Aita Gasparin vegnida 22avla.