L’Ironman rumpa cun la pli gronda tradiziun dal triatlon pervi da la pandemia da corona. Il campiunadi mundial sur 3,86 kilometers nudar, 180 kilometers cun velo e 42,2 kilometers currer n’ha per l’emprima giada betg lieu a Hawai. Quai suenter ch’ins ha puspè stuì spustar l’occurrenza.
Quella duaja da nov avair lieu ils 7 da matg a St. George en il stadi federativ american da Utah. L'ultim campiunadi mundial da triatlon è stà il 2019 a Hawai.
L'october 2022 duai il campiunadi puspè a Kailua-Kona, Hawai. Nov na duain las cursas da dunnas ed umens betg esser il medem di. Las cursa da las dunnas duai avair dapli participantas e cumenzar ils 6 d'october, quella dals umen dus dis pli tard.
