Ils Svizzers dal snowboard alpin n'èn betg stadas tranter ils megliers tar quest final da la cuppa mundiala en Germania. Nevin Galmarini prenda cumià cun in 10avel plaz a Berchtesgaden.
Sco ultim dals trais teams da dus svizzers èn Dario Caviezel e Julie Zogg dads or en il quartfinal. Per Nevin Galmarini e Ladina Jenny e per Gian Casanova e Jessica Keiser èsi stà a fin gia en l'otgavelfinal. Stefan Baumeister e Ramona Hofmeister pon festagiar ina victoria da chasa en Germania.
Galmarini, il victur d'olimpia dal 2018 e segund dals gieus olimpics 2014, ha gì cun questa cursa l'ultima da sia lunga carriera en la cuppa mundiala. Zogg è ida sonda, cun sia terza victoria questa stagiun, per la culla pitschna da cristal en il slalom parallel. Dals gieus olimpics avevan ils Svizzers stuì turnar senza medaglias.