Lionel Messi è vegnì onurà per l'8avla giada cun il «Ballon d'or» sco ballapedist da l'onn. Quai è in nov record. Tar las dunnas è la campiunessa mundiala spagnola Aitana Bonmati vegnida onurada sco ballapedista da l'onn.
Messi, ch'ha gudagnà l'emprim Ballon d'Or il 2009, ha survegnì las pli bleras vuschs da schurnalists e schurnalistas da sport. Il giugadur da Manchester City Erling Haaland e ses anteriur collega Kylian Mbappé han er persvadì la giuria.
Bonmati ha sajettà durant la victoria da la Spagna a la cuppa mundiala avant dus mais trais gols ed ha dà dus assists. Dal reminent ha ella gudagnà cun Barcelona Femeni en la Women's Champions League cunter Wolfsburg il fanadur.