Daniil Medwedew stat en il mezfinal dals ATP finals a Londra. Il Russ ha battì il numer 1 dal mund, Novak Djokovic, cun 6:3 e 6:3 e festivescha uschia sia segunda victoria en il segund gieu. En l'emprima partida ha Medwedew gudagnà cunter Zverev.
En il gieu dal suentermezdi ha il Tudestg Alexander Zverev battì l'Argentin Diego Schwartzman cun 6:3, 4:6 e 6:3. En l'ultim gieu da gruppa frunta Zverev sin Djokovic. Omadus dovran la victoria per sa qualifitgar per il mezfinal dals ATP Finals.
