Per Julie Zogg hai dà il terz plaz da podest da questa stagiun. En il slalom gigant parallel a Scuol è ella vegnida terza. Il pitschen final ha ella gudagnà fitg stretg cunter Tsubaki Miki dal Giapun. Be 5 tschientavels han fatg la differenza.
Gudagnà il slalom gigant parallel a Scuol ha la Tudestga Caroline Langenhorst, segunda è sia cumpatriota Ramona Hofmeister. Tar ils umens è Dario Caviezel stà il meglier Svizzer, sco 12avel el è crudà ora en l'otgavel-final. Gudagnà il slalom gigant parallel ha il Polac Oskar Kwiatowski.