Il Svizzer Pirmin Werner vegn sin plaz 4 tar il campiunadi mundial da la disciplina Aerials. Campiun mundial daventa Maxim Burow da la Russia. Argient fa l’American Christopher Lillis, bronz va ad in ulteriur Russ Pavel Krotow.
Il duo svizzer Noé Roth e Nicolas Gygax han gì discletg tar l’occurrenza ad Almaty. Omadus han manchentà il superfinal per minims 0,46 puncts. Tar il davos campiunadi mundial a Park City aveva Roth anc fatg bronz.
Peel victura tar las dunnas
Per las duas Svizras Carol Bouvard ed Alexandra Bär è gia la qualificaziun stada la staziun finala. Campiunessa mundiala dals Aerials è daventada l’Australiana Laura Peel. En il superfinal ha ella laschà davos ella l’Americana Ashley Caldwell e Nikitina Liubow, sin ils plazs 2 e 3.