«Pled sin via» cun l’avat Vigeli Monn
Jesus di: «I na dat betg ina pli gronda amur che da dar la vita per ses amis. Vus essas mes amis, sche vus faschais quai che jau cumond a vus.» Adina puspè dattan carstgauns lur vita per auters. Els fan quai, perquai ch’els vesan in senn en in tal agir. Il senn vesan els en l’agid per ina persuna charezzada. Jesus va dentant anc bler pli lunsch. El ha dà sia vita per carstgauns che odiavan el. Per nus tuttas e tuts è el mort. Ed uschia ha la suffrientscha e la mort da mintga carstgaun survegnì muntada e senn. Qua sa mussa il misteri dal venderdi sontg, numnadamain la misericordia divina. Dieu è uschè misericordaivel ch’el salva l’entir mund tras la mort da ses figl. Jesus dat perditga da questa misericordia en sia vita cun ses agir, ses pleds, sias miraclas, dentant spezialmain cun ses patir e murir.
------------------------------------------------------------------------------------------- Jesus sagt: «Es gibt keine grössere Liebe, als wenn einer sein Leben für seine Freunde hingibt. Ihr seid meine Freunde, wenn ihr tut, was ich euch auftrage.» Immer wieder geben Menschen ihr Leben für andere...
