RTR Clic
Dapli da Clic
KFOR: tge fa noss'armada en il Cosovo?
Dapi 25 onns guarda la KFOR sin l’incumbensa da la NATO per pasch e stabilitad en la regiun dal Cosovo. Quai era cun l’agid da la Swisscoy da l’armada Svizra. Dentant tge fan schuldada Svizra en la regiun dal balcan e pertge vul ins insumma ir là?26 min
Parturir – en spital u tuttina a chasa?
Parturir è ina chaussa emoziunala ed uschia era la decisiun co e nua parturir. 95% da las dunnas en Svizra sa decidan per il spital. Ma savevas tge opziuns ch'i dat er anc? Per in Clic ha Nina Defuns fatg visita en spital, en ina chasa da parturir ed ad ina spendrera che fa naschientschas a chasa. En il film visita ella era geniturs ch’han parturì a chasa dal tut senza persunal medicinal.37 min
Psicologia d'animals – Tut per il giat?
Il tractament da suffrientschas psichicas tar l'uman n'è gia daditg pli raritad e chatta er adina dapli acceptanza en la societad. Ma tge far, sch'i na va betg bain cun la psica da l'animal da chasa?21 min
Tgi s’engascha anc en uniuns?
Uniuns èn tar nus omnipreschentas, saja quai sco pitschna uniun da collegas, l’uniun da gimnastica dal vitg u sco uniun fitg gronda sco la FIFA. En Svizra datti 80’000 fin 100’000 uniuns, in crass dumber!28 min
Discletg cun ils egls - sche tut è be turbel
In egl saun dumogna dad elavurar dapli che diesch milliuns infurmaziuns la secunda! E quai senza che nus sentin quai en il mintgadi. Ma tge è, sche l'egl ha in defect e na dumogna betg da dar vinavant tut questas infurmaziuns?26 min
Tge è in um? En tschertga da mia masculinitad
Il redactur Tinet Gaudenz è sa mess a la tschertga da la rolla dals umens en nossa societad.19 min
Baselgia catolica – extrar u star?
Betg explicit las cifras las pli actualas da las extradas or da la baselgia u il studi davart abus sexuals han motivà il redactur da Clic, Dominik Hardegger, da sa fatschentar cun la tematica da las extradas. Ses motiv è stà in patratg che gira gia dapi onns en ses chau – u ina dumonda: Am poss jau identifitgar cun la baselgia catolica?19 min
«Memia baud» - Jau sun naschì en la 25avla emna
Flavio Deflorin è naschì ils 15 da november 1988 cun 810 grams en la 25avla emna en il spital da Glion, el è pia stà in uffant ch'è naschì extrem memia baud. Ses viadi anavos a l'entschatta da sia vita ha manà el tar ses medi da lez temp, Dr. Bienentreu, en la Neonatologia a Cuira e tar Rico e sia famiglia.33 min
Quants raps dovr’ins per viver?
Gian-Marco vul daventar magister primar ed ha perquai quest atun cumenzà il studi. Quai vul dentant per el era dir, da midar sin in budget da students. Ma quants raps dovr’ins lura insumma per viver?31 min
