Ir al cuntegn
Play RTR

Cuntrasts

Films documentars cun in spectrum vast e varià. L'emissiun documentescha la cultura rumantscha e grischuna. Ella reflectescha e preschenta midadadas, svilups ed istorgias da noss mintgadi, da la societad, la politica, la cultura, il sport ed auter. // Cuntrasts zeigt rätoromanische Dokumentarfilme.

Da ses ureglins appreziads di Mengia Etter da Sent: «Per mai è Engiadina era morins, muntognas e morins.» Cun silmain tanta passiun discurra era Theo de Canziani a Rijeka, pli baud Fiume, en Croazia da ses moretto: «I n’è betg ina chaussa che jau port per ma far da grond, per mai èsi in’onur da tutgar tar la glieud da la mar, la glieud da l’Adria.» Per tuts dus èn lur morins u moretti dapli che be ureglins d’aur ed emagl. Els èn in’ierta amada che vegn dada vinavant anc oz en famiglia. Il chau dad in um nair, il morin, è lur identitad per pender vi da l’ureglia. En il film «Mar, munts e morins» sa metta Isabelle Jaeger a la tschertga dals fastizs da quest cliniez extraordinari, e quai a Sent en l’archiv chantunal ed a Rijeka/Fiume. Ella vul chattar ora, nua che las vias engiadinaisas e quellas croatas sa cruschan e sch’il morin tutga ozendi anc adina vi da l’ureglia u plitost en la chaschetta da bischutaria istorica.
27 min
Tradiziuns da prender cumià cuminaivlamain d’in defunct enconuschain nus en nossa cultura da vegl ennà. Per ils survivents èn usits e rituals durant il temp da malencurada impurtants per surmuntar la dolur. Els dattan plazza a la tristezza che vul esser vivida. Blers da quels rituals na datti gia oz betg pli. Auters svaneschan in pau a la giada. Il defunct na vegn betg sepulì, u che la sepultura ha lieu en il stretg ravugl da la famiglia. La cuminanza vegn sclausa. Petra Rothmund ha documentà en differents vitgs usits e rituals da prender cumià da cuminanza che vegnan anc vivids ozendi.
27 min
Cura che jau hai emprendì d’enconuscher Arnold Spescha, hai jau constatà svelt: el ha fatg uschè bler. Tge duess jau raquintar da tut quai? Gia be ils titels da tut quai ch’el ha publitgà dattan ina glista da passa 30 paginas. Tranter auter ha el scrit trais cudeschs cun poesias, la Grammatica sursilvana, in cudesch davart il general russ Suworow, nundumbraivlas lavurs davart la lingua, la litteratura, la linguistica, la musica, l’istorgia, davart l’aura, raquints, recensiuns, artitgels da gasettas, translaziuns ed ultra da quai 135 diaris, mintga saira dapi prest 60 onns. Plinavant è el stà scolast gimnasial, docent universitar, dirigent, commember da cumissiuns da musica chantunalas e federalas, expert. E bab da trais uffants. E consort. E pastur. Apunto. La fin finala hai jau decidì da tschertgar intgins muments che dattan invistas en ses munds, ses pensar, sias passiuns e ses fastidis.
27 min
Po musica surmuntar il röstigraben? Tschintg musicistas e musicists vulan savair quai! Els passentan il zercladur 2024 prest in’emna a Friburg, al simbolic röstigraben, per il project da radio interregiunal «Chantez-vous Suisse?». Là sa preparan els per in concert cuminaivel – in concert cun chanzuns interpretadas en pliras linguas dals bains culturals da las regiuns linguisticas e cun ina nova chanzun cuminaivla che tracta la convivenza en Svizra. Las artistas ed ils artists represchentan mintgamai ina da las quatter regiuns linguisticas e persunas cun biografia da migraziun en Svizra. Il film dat invista en il process creativ da las musicistas e dals musicists fin che ha lieu il concert. El accumpogna la musicista rumantscha Chiara Jacomet, che ha 25 onns, durant la lavur cuminaivla e mussa co che la chanzun rumantscha «Allas Steilas» da Tumasch Dolf vegn adattada en pliras linguas e co che quella na tutga la finala betg mo il public emoziunalmain ... -------------------------------------------------------------------------------------------
27 min
Patricia Scarpatetti viva a San Pedro Sula, ina da las citads las pli criminalas dal mund. Là ha la Surmirana bajegià in vitg cun 104 chasas per 104 famiglias ch’han pers lur dachasa durant ils huricans l’onn 2020. Ella s’engascha gia dapi 17 onns per uffants abandunads a Honduras e cun il nov project vul ella porscher a famiglias ina nova perspectiva. Malgrà che las chasas èn gratuitas èsi tut auter che simpel da chattar las famiglias adattadas. Il film accumpogna Patricia Carpatettitras il lung process da selecziun e mussa co ch’il nov vitg po midar las vitas da las abitantas e dals abitants.
26 min
El saja naschì en il fauss tschientaner, di Jérôme Salgat, perquai ch’el saja dal tuttafatg incumpatibel cun la vita da consum moderna. El admira plitost ses perdavants che vivevan a moda simpla ed autonoma. Cun ses 34 onns ha il giuven Vallesan vivì trais onns en sia chasa veglia ad Isérables en il Vallais senza aua currenta ed electricitad. El è sa decis da viver ina vita modesta sco avant tschient onns e sa deditgescha a sias passiuns: als chavals ed a la lavur da charrer, ina professiun ch’è sin svanir. In purtret dal giuven Vallesan che viva a la veglia.
26 min
Tavau è daventà in magnet per giasts gidieu-ortodoxs da tut il mund. La stad fan var 3’000 giasts gidieus vacanzas a Tavau, nua ch’i dat ina sinagoga e butias cun ina purschida da vivondas koschras. Ma adina puspè datti renfatschas d’antisemitissem. L’ultima giada il favrer 2024, perquai ch’ina butia da sport na vuleva betg pli affittar scarsolas a giasts gidieus. Bleras persunas indigenas na ristgan betg pli da s’exprimer publicamain – i saja in tema spinus. Ed ils giasts gidieu-ortodoxs giaudan las muntognas, sa tegnan vi da lur 613 reglas religiusas e guntgeschan cameras. Malgrà tut quai èsi reussì da discurrer cun purs, gastronoms e turistichers da Tavau – e nus avain perfin survegnì in’invista en il mintgadi da vacanzas d’ina famiglia ortodoxa da l’Israel.
28 min
Cumbinar Queen cun Humperdinck, Polo Hofer u Beethoven – quai che tuna impussibel fa l’Operetta Ardez en sia pli nova producziun. Il pitschen team creativ enturn Chasper Curò Mani ha elavurà in potpurri musical sin basa da l’operetta «Hänsel e Grettina» dal cumponist Humperdinck. L’autur da films Casper Nicca ha pudì accumpagnar Chasper Curò Mani e sia truppa davent da l’emprima prova fin la premiera ad Ardez. Uschia ha el pudì documentar l’entir svilup da l’operetta, e quai dals exercizis da las chantaduras e dals chantadurs professiunals fin a las sfidas tecnicas ch’els han stuì schliar. Il film dat in’invista intima en in process creativ.
26 min
Il 1. da settember 1824 gartegia als dus chatschaders da chamutschs Augustin Biscuolm da Mustér e Placi Curschellas da Trun la primascensiun dal Tödi. Pader Placi a Spescha – il pionier da l’alpinissem – mussa ad els ina ruta pussaivla per ir sin il Tödi. Per il pader da 72 onns è l’aventura sin ses culm tant bramà memia fadiusa. Cun ses telescop persequitescha el il success da ses dus cumpogns davent da la Val Russein. A quella conquista legendara deditgeschan ils CUNTRASTS dus films. Il segund film documentescha in’ascensiun dal Tödi dad oz. Alpinists grischuns e glarunais ascendan communablamain lur culm preferì.
25 min
Il 1. da settember 1824 gartegia als dus chatschaders da chamutschs Augustin Biscuolm da Mustér e Placi Curschellas da Trun la primascensiun dal Tödi. Pader Placi a Spescha – il pionier da l’alpinissem – mussa ad els ina ruta pussaivla per ir sin il Tödi. Per il pader da 72 onns è l’aventura sin ses culm tant bramà memia fadiusa. Cun ses telescop persequitescha el il success da ses dus cumpogns davent da la Val Russein. A quella conquista legendara deditgeschan ils «Cuntrasts» dus films. L’emprim film raquinta l’istorgia da la primascensiun, undrescha ses eroxs ed ils merits dal pader alpinist. Ils aventuriers eran equipads cun in fist da viandar enferrà, chalzers auts bain adattads als pes e cun in toc taila per proteger la fatscha dad arsas dal sulegl – era quai mussa il film.
26 min
Suenter las festas centenaras dal 1824, 1924 e 1974 sa regorda Trun per la quarta giada da la fundaziun da la Ligia Grischa dals 15 e 16 da mars 1424. Co festivescha Trun ils 600 onns Ligia Grischa e co festivav’ins pli baud? Tge han ins chantà a chaschun da las differentas festas commemorativas e co han quellas chanzuns influenzà la creaziun da l’identitad rumantscha e l’integraziun dal Grischun en Svizra? Respostas dattan dus films documentars en ils «Cuntrasts».
26 min
Suenter las festas centenaras dal 1824, 1924 e 1974 sa regorda Trun per la quarta giada da la fundaziun da la Ligia Grischa dals 15 e 16 da mars 1424. Co festivescha Trun ils 600 onns Ligia Grischa e co festivav’ins pli baud? Tge han ins chantà a chaschun da las differentas festas commemorativas e co han quellas chanzuns influenzà la creaziun da l’identitad rumantscha e l’integraziun dal Grischun en Svizra? Respostas dattan dus films documentars en ils «Cuntrasts».
Quest video n'è betg disponibel en voss lieu.
Per surmuntar muntognas ston ins mintgatant bunamain spustar muntognas. Avant stgars 120 onns è reussida a la Viafier retica ina prestaziun d’inschigneria extraordinaria cun construir in tunnel che collia la Val d’Alvra cun l’Engiadin’Ota. Proximamain vegn il segund tunnel da l’Alvra dà liber per il traffic da trens. Ils ultims 10 onns è la construcziun dal nov tunnel che vegn a remplazzar il vegl stada il pli grond plazzal dal Grischun. Bler è capità durant quest temp, bler è era sa midà. Quest film ans maina sin in viadi en il passà. El mussa las sfidas da las persunas responsablas per il project, dals inschigners e dals miniers da perfurar ina segunda giada il massiv da l’Alvra. In duel tranter muntogna e maschina. In congual tranter vegl e nov. In viadi tras 5860 meters istorgias, da l’emprima palada fin a la realisaziun.
26 min
El fa skis. E vi da gliez lavura el cun perseveranza gia in detg mument. Sia lavur è sia passiun, e tuttina è sia passiun dapli che mo skis. Cun la marca e la firma ZAI è Simon Jacomet daventà avant bun 20 onns in sinonim per skis ch’en auters che quels giu da la stanga. Ed era per skis che custan tant sco auters dattan ora per in auto. Oz è Simon Jacomet lunsch davent dal mund luxurius ed exclusiv da sia anteriura firma ZAI. Skis fa el dentant anc adina. L’impuls da perfecziunar il sentiment en il caraun n’è vegnì gnanc zic pli flaivel! Suenter 15 onns ZAI ed ina curta emprova cun ina firma nova è Simon Jacomet ì ina nova via. Oz producescha el ses skis senza firma e senza investurs en ses pitschen atelier a Rabius. Il ski che porta sias inizialas vegn construì tenor sias ideas senza cumpromiss. La filosofia Jacomet para adina puspè dad esser ina maschaida dad art e far. Ina cumbinaziun da hightec e tradiziun. Igl è in lavur perseveranta per chattar ils cunfins dal pussaivel.
26 min
L’onn 1969 lascha l’Intersoc construir a Mustér in hotel privat cun 600 letgs – exclusivamain per giasts beltgs. L’edifizi immens amez la cuntrada vegn crititgà a partir dal cumenzament. «Talsperre», «Betonklotz», «hotel dils Belges» – quai èn ils surnums da la glieud indigena per l’hotel Acla da Fontauna a Mustér. Per millis e millis Belgias e Beltgs è el «Onze Acla – Noss Acla»: l’edifizi, nua ch’els passentan lur vacanzas sur generaziuns. Il film dat vita a l’hotel Acla da Fontauna ch’è serrà e bandunà dapi passa 20 onns e ch’è stà lezza giada il fundament per il turissem a Mustér. El lascha reviver il «temps dils Belges» a Mustér – in chapitel or da la lunga istorgia d’amur tranter ils giasts da la Belgia e la Svizra.
26 min
Il dumber da las butias dal vitg pitschnas che ston serrar lur portas crescha onn per onn. Ma i dat era stizuns che vegnan da surviver. Tge dovri per mantegnair la butia dal vitg? Ils Cuntrasts preschentan trais exempels, trais butias che han success. Il recept da la Butia Ramosch è per l’ina il grond sustegn da la populaziun e da las persunas segundindigenas e per l’autra la cumbinaziun da posta, café e butia sut in tetg. Il segund exempel è la stizun digitala a Vignogn. Il sistem digital lubescha da sbassar ils custs, uschia vegn la butia da surviver cun main svieuta. La stizun da Surrein è il terz exempel: ina butia convenziunala che vegn da surviver grazia al fatg che bleras e blers da Surrein fan tut lur cumissiuns da princip en lur stizun.
26 min
Fotografias ed auters documents raquintan da las vitas dal passà. Mo adina dovri era glieud che rimna ed archivescha quests documents. Il film «Segns dal temp – archivar per mussar» accumpogna persunas che rimnan ed archiveschan documents vegls e cun els era las istorgias dal passà. Uschia per exempel era l’istorgia da l’internà polac che ha documentà cun passa 3000 fotografias sia odissea tras la Segunda Guerra mundiala e silsuenter la vita en ils champs d’internament en il Grischun. Ma il film da l’autur da film Casper Nicca mussa era co che quests documents che furman nossa istorgia vegnan elavurads en ils archivs e co ch’els vegnan fatgs accessibels a las proximas generaziuns cun las pli novas tecnologias d’intelligenza artifiziala.
27 min
Per ils Cuntrasts ha il cineast Felice Zenoni tschertgà vegls films documentars dal Grischun en archivs per l’entir mund enturn. Ils pli vegls ha el chattà en l’Australia, a Canberra en il National Film and Sound Archive of Australia. Da vesair è la Viafier retica sin il tschancun da Preda a Bravuogn l’onn 1905. La pli gronda sensaziun dals stgazis filmics chattads è tenor l’istoricher da film Roland Cosandey il film sonor dal 1928, tenor el ina veritabla perla. Ch’i deva fake news gia en ils emprims documents filmics demussa l’expert a maun d’in film davart il Cresta Run a San Murezzan, realisà il 1907 da pioniers da film franzos. Era tar il famus reschissur da thrillers Alfred Hitchcock chatt’ins «scenas grischunas».
Quest video n'è betg disponibel en voss lieu.
«Nus essan sco ina gronda famiglia che s’entaupa la dumengia a las 15:00 sin la plazza da ballape a Trun», di in fan dal CB Trun/Rabius. En strusch in auter vitg è la fulla d’aspectaturas e d’aspectaturs uschè gronda. Igl è in lieu per sa discurrer, sa vilentar u sa legrar cun l’equipa dal cor. La fevra è gronda, surtut tar il derby Trun/Rabius cunter Schluein Glion, il sulet derby sursilvan en terza liga. Il club da fans da Schluein Glion è perfin vegnì cun paucas e megafons. Els veglian far tema als giugaders da Trun/Rabius, per che lur equipa gudognia. Ina tactica che para d’esser ida si.
24 min
Dar ina nova furma ad objects dal mintgadi – ina palutta, in cuntè ubain ina mobiglia – quai è la lavur dad in designer industrial. Carlo Clopath da Trin è designer industrial. El ha in stil fitg persunal, quiet, ruassaivel, reducì, influenzà da l’artisanadi. Ed influenzà dal Giapun, nua che Carlo Clopath viva e lavura adina puspè. L’autur da film Casper Nicca ha accumpagnà Carlo Clopath cun la camera en Svizra, ma er en il Giapun ed ha pudì sfundrar en quest agen mund dal designer Grischun, in mund tranter ost e vest, tranter Tokyo e Trin, tranter canera e ruaus.
25 min
Ils ins èn da Ftan, ils auters dal Tessin – e tuttina han els insatge cuminaivel. Sco geniturs han els stuì passentar dis e perfin mais be quitads per lur figlias sin la staziun intensiva per uffants. Nadine è naschida memia baud, Inglina ha gì in grev infect. Per las famiglias signifitga quai sur dis e mais in temp inquiet tranter la tema permanenta per la sanadad da lur uffants ed in mintgadi che vegn mess sin il chau. Che la staziun intensiva per uffants è en il Grischun, a Cuira, è stà in grond sustegn e levgiament per las famiglias. Ma precis questa spierta è en privel dapi passa in onn. Per incumbensa dals chantuns svizzers vegn dapi il 2009 concentrada la medischina autspezialisada en Svizra – e tar quella tutgan, tenor in gremi spezialisà, era la neonatologia, l’oncologia d’uffants e la traumatologia d’uffants sco ch’ella vegn purschida a l’Ospital chantunal dal Grischun. Senza quellas spartas na rendess la staziun intensiva per uffants betg, ha ditg l’ospital ed è ì sin las barricadas, accumpagnà da la politica grischuna e da passa 30’000 persunas che vulan mantegnair questas spiertas en il Grischun. Ils Cuntrasts rapportan dals cumbats – sin e per la staziun intensiva per uffants. Cumbats, che savessan schizunt purtar fritg.
27 min
Flavio Deflorin lavura sco reporter tar RTR. El è naschì ils 15 da november 1988, 15 emnas memia baud, cun in pais da be 810 grams. El è stà tranter vita e mort l’entschatta da sia vita. Ma el ha gì cletg e pudì profitar dals avantatgs d’in bun sistem medicinal. 35 onns pli tard vul el savair co ch’igl è stà quella giada per ses geniturs e per el e co ch’igl è oz, sch’in uffant nascha memia baud.
27 min
El ha realisà il siemi da probablamain mintga giuven musicist: laschar tut da la vart per far nagut auter che musica – senza cumpromiss! Il giuven Tuatschin ha smess ses emprendissadi per daventar battarist. Suenter ses studi da battaria ha el mess tut sin ina charta, pachetà sias set chaussas ed è ì a Berlin. A l’entschatta ha Carlo anc lavurà sco tatuader e scolast da battaria. Pass per pass ha el fitgà pe en la scena da musica da la chapitala tudestga. Suenter lavurs da studio ed engaschaments sco battarist live cun numerusas bands sco Fil Bo Riva, Abay u era Sebastian Madsen ha Carlo survegnì il job sco battarist live tar la chantadura Zoe Wees. Quest engaschament è stà impurtant per sia carriera ed ha catapultà el dad ina tribuna gronda a la proxima. La stad passada ha il battarist tuatschin sunà a festivals da renum sco Moon & Stars a Locarno, Deichbrand u era Lollapalooza a Paris.
27 min
66 chors da l’entira Svizra han cumbattì per puncts l’ultima fin d’emna a Cuira a la concurrenza svizra da chors. Nus avain accumpagnà il consonus vokalensemble che ha fatg furora gist pliras giadas. Grondas ambiziuns ha er l’ensemble vocal incantanti gì. La devisa: exercitar intensivamain, far yoga e desister da la sortida. En la categoria dals chors virils gronds hai dà in veritabel derby grischun plain tensiun. Igl è stà ina sfida per la giuria da valitar las prestaziuns – nus avain pudì dar in sguard exclusiv davos las culissas.
25 min
Il test da gravidanza è positiv, il plaschair crescha ad in crescher e lura capita il nunspetgà, ina spersa. L’uffant mora avant che nascher. In fatg che capita pli stedi che quai ch’ins quinta. En Svizra han passa 20’000 dunnas ad onn ina spersa. Marisa Graf da S-chanf e Bernadette Arpagaus da Cuira èn duas dad ellas. Ellas han stuì prender cumià dals uffantins, avant ch’ellas han pudì beneventar els.
Quest video n'è betg disponibel en voss lieu.
Emprender da signun senza far in chaschiel, far la scolaziun da pur senza avair ina suletta giada contact cun ina vatga. Quai che tuna per nus nunpussaivel è la realitad d’in emprendissadi en Georgia. L’emprima scola svizra d’agricultura en il Caucasus duai midar quai. Anteriurs experts dal Plantahof a Landquart han gidà in investur indigen a planisar e concretisar quest project ambizius. La fin dal 2021 vegn la scola inaugurada. Il film documentescha ils emprims dus onns da la scola en Georgia. El accumpogna in expert d’agricultura rumantsch che emprova d’intermediar sia experientscha e la cultura da lavur svizra. El mussa las sfidas d’in pur e d’in signun svizzer che mainan la chascharia e la puraria da la scola. Il film mussa era la motivaziun e l’engaschi dals indigens per il project. Igl è in film che documentescha las sfidas che resultan, cura che duas culturas cumplettamain differentas sa scuntran. Ed era sche l’intent da tuttas duas varts è atgnamain bainvulent, è la realitad la fin finala in toc pli cumplitgada.
27 min
Emprender da signun senza far in chaschiel, far la scolaziun da pur senza avair ina suletta giada contact cun ina vatga. Quai che tuna per nus nunpussaivel è la realitad d’in emprendissadi en Georgia. L’emprima scola svizra d’agricultura en il Caucasus duai midar quai. Anteriurs experts dal Plantahof a Landquart han gidà in investur indigen a planisar e concretisar quest project ambizius. La fin dal 2021 vegn la scola inaugurada. Il film documentescha ils emprims dus onns da la scola en Georgia. El accumpogna in expert d’agricultura rumantsch che emprova d’intermediar sia experientscha e la cultura da lavur svizra. El mussa las sfidas d’in pur e d’in signun svizzer che mainan la chascharia e la puraria da la scola. Il film mussa era la motivaziun e l’engaschi dals indigens per il project. Igl è in film che documentescha las sfidas che resultan, cura che duas culturas cumplettamain differentas sa scuntran. Ed era sche l’intent da tuttas duas varts è atgnamain bainvulent, è la realitad la fin finala in toc pli cumplitgada.
27 min
30 onns datti gia l'emissiun «Impuls» dal Radio RTR. Mintga damaun porta ella ina curta istorgia auditiva, ina vaira u in’inventada, in patratg per cumenzar il di, 365 dis l'onn. En tut quels onns è vegnì publitgà bain inqual cudesch cun texts or dals «Impuls». In bun mument per render omagi al scriver.
27 min
Avant 100 onns ha il medi Carl Spengler, figl dad Alexander Spengler che ha mess il fundament per il lieu da cura a Tavau, fundà la Cuppa Spengler. Ses intent primar e stà da sustegnair il club da hockey da Tavau, ma a medem temp ha el era vulì reunir las naziuns inimias da l’Emprima Guerra mundiala cun contacts sportivs. Carl Spengler ha gì l’idea da dar la pussaivladad a las naziuns ch’eran antruras inimias da chattar la chapientscha e la fidanza vicendaivla e da dar il maun ina a l’autra en in spiert fair, sportiv ed amicabel. Questa idea è sa sviluppada ad in eveniment unic che giauda status da cult en la scena da hockey sin l’entir mund.
25 min
«Gea, jau vi!» – Cun annunziar la candidatura per daventar cusseglier federal ha cumenzà in temp intensiv per Jon Pult. El sto chattar ina strategia e far frunt a pressa negativa. Il squitsch s’augmenta di per di. Nus avain accumpagnà il socialdemocrat durant il cumbat electoral. Ensemen cun il politicher grischun guardain nus enavos sin ses temp extraordinari sin la tribuna politica naziunala.
25 min
ConfiguraziunsAgidContactPodcastServetschs Dretgs
SRG SSRRTR Radiotelevisiun Svizra Rumantscha, succursala da la Societad svizra da radio e televisiun
SRFRSIRTSSWIPlay Suisse