Tut che tira flad – Arno Caluori e sias orglas
Durant la stad mussan ils «Cuntrasts» lur selecziun dals onns passads. Questa giada ina repetiziun dals 1. da november 2020. Ella vegn numnada la regina dals instruments. Ella tuna sco in entir orchester, ma ella sa era tunar dultsch e fin. L’orgla. Ozendi è ella dentant savens mez emblidada en ina baselgia vida e fraida. Ma quai na vul betg dir che nagin s’interessescha pli per las orglas. In che ha bajegià passa 30 orglas è Arno Caluori. En il film «Tut che tira flad» accumpogna l’autur Casper Nicca il construider d’orglas, oriund da Domat, durant la revisiun da l’orgla da la chaplutta da Vignogn. «In’orgla tira flad, in’orgla ha ina olma», di Arno Caluori e maina l’aspectatur en l’intern da las orglas, lascha guardar davos ils tschivlots ed en l’intern da quai che ha fatg che Arno Caluori ha vivì ina vita per l’orgla.
------------------------------------------------------------------------------------------- Im Sommer präsentiert die Sendung «Cuntrasts» die Favoriten des vergangenen Jahres. Man nennt sie die Königin aller Musikinstrumente. Sie klingt wie ein ganzes Orchester, aber man kann ihr auch feine, süsse...
