Made in China – La digitalisaziun dal Dicziunari Rumantsch Grischun

Tgi che vul tschertgar in pled en l’ovra da consultaziun rumantscha la pli cumplessiva, quel sto sfegliar. Il Dicziunari Rumantsch Grischun DRG exista numnadamain mo sco cudesch stampà. A partir dad uss chattan ins ils pleds dentant era cun in clic. Dapi ils 10 da december 2018 datti numnadamain ina versiun online dal DRG. Per ch’ils pleds vegnian en il computer hai duvrà la China. Sis datatipistas da Nanjing han entaifer deschnov mais scrit giu pled per pled l’ovra voluminusa da 8517 paginas. Lur lavur è la basa per realisar il DRG online. Tgi èn quellas dunnas e pertge vegn tut scrit giu en la China? Ils «Cuntrasts» han documentà l’entir process da digitalisaziun dal DRG – dal Grischun enfin en la China ed enavos.