La chanzun rumantscha – tranter tradiziun ed innovaziun
Il «Festival da la chanzun rumantscha» a Zuoz fa d’ina vart omagi al stgazi prezius da chanzuns rumantschas existentas. Ma igl è er la finamira da dar spazi a tuns novs, contemporans e da mussar uschia che la chanzun rumantscha n’è betg museala, mabain frestga e vitala. Dumengia ha gì lieu a Zuoz la segunda ediziun dal «Festival da la chanzun rumantscha» che ha gì sia premiera avant trais onns a Trun. En il center da quests trais dis stat la chanzun rumantscha en tut sia diversitad da furmas e dievers. I sa preschentan chors d’uffants, chors maschadads, chors virils, trubadurs, chantauturas e chantauturs sco er in ensemble vocal. E chantà vegni dapertut, en baselgia, sin tribuna, sin plazzas e vias, durant lavuratoris e cun star da cumpagnia. Il punct culminant dal festival è dentant la concurrenza da cumposiziun la dumengia suentermezdi. Là stattan ils novs tuns en il center. 52 novas chanzuns èn vegnidas inoltradas. 12 da quellas ha ina giuria da musicistas e musicists professiunals premià e tschernì per il final, quatter chanzuns per mintga categoria: chor d’uffants, chor maschadà e chor viril. Questas chanzuns vegnan preschentadas per l’emprima giada al public e lez tscherna a la fin per mintga categoria la chanzun per il premi dal public.
------------------------------------------------------------------------------------------ Das «Festival da la chanzun rumantscha» in Zuoz feiert einerseits den wertvollen Schatz an existierenden rätoromanischen Liedern. Doch das Ziel ist es auch, neuen, zeitgenössischen Tönen Raum zu geben und so...
