In Plantahof per la Georgia – part 2
Emprender da signun senza far in chaschiel, far la scolaziun da pur senza avair ina suletta giada contact cun ina vatga. Quai che tuna per nus nunpussaivel è la realitad d’in emprendissadi en Georgia. L’emprima scola svizra d’agricultura en il Caucasus duai midar quai. Anteriurs experts dal Plantahof a Landquart han gidà in investur indigen a planisar e concretisar quest project ambizius. La fin dal 2021 vegn la scola inaugurada. Il film documentescha ils emprims dus onns da la scola en Georgia. El accumpogna in expert d’agricultura rumantsch che emprova d’intermediar sia experientscha e la cultura da lavur svizra. El mussa las sfidas d’in pur e d’in signun svizzer che mainan la chascharia e la puraria da la scola. Il film mussa era la motivaziun e l’engaschi dals indigens per il project. Igl è in film che documentescha las sfidas che resultan, cura che duas culturas cumplettamain differentas sa scuntran. Ed era sche l’intent da tuttas duas varts è atgnamain bainvulent, è la realitad la fin finala in toc pli cumplitgada.
------------------------------------------------------------------------------------------- Käser lernen, ohne einen Käse herzustellen, eine Ausbildung als Landwirt abschliessen, ohne jemals Kontakt mit einer Kuh zu haben. Was für uns unmöglich erscheint, ist in Georgien die Realität, wenn man eine...
