Bun enfin miserabel – il stan dal guaud grischun
Senza il guaud na fissan nossas vias betg charrablas, blers dals vitgs inabitabels. Duas terzas dal guaud grischun èn guaud da protecziun. In guaud en in bun stadi è pia ina basa existenziala per nus. Mo co statti cun il guaud grischun? Ils «Cuntrasts» visitan trais guauds. Ina visita maina en l’Engiadina Bassa. Là hai dà l’onn passà donns dal bau-scorsa sco anc mai. Uss duai er il fin nas dal chaun Cino gidar a chattar ad uras ils pigns infectads. Dapi la primavaira trenescha il selvicultur Antonin Hugentobler cun ses chaun. A Tumein n’han ils lareschs en il guaud Cartschitscha betg survivì la sitgira dal 2018, tuts èn setgads. Quest guaud n’è betg in guaud da protecziun e na fa perquai betg pensiers al selvicultur Mattiu Cathomen. In’egliada en il guaud da protecziun mussa dentant ch’era lez patescha. Il pli grond problem dal guaud grischun èn dentant las ruissas da selvaschina. 40% dal guaud da protecziun en il Grischun na vegnan betg da sa regiuvinar. Las consequenzas da quest fatg sa mussan exemplaricamain en il guaud da Puzzastg sur Surrein. Per il selvicultur Beat Cadruvi è la part sura da quest guaud en in stadi catastrofal.
------------------------------------------------------------------------------------------- Ohne den Wald wären die meisten Strassen unpassierbar, viele Dörfer unbewohnbar. Zwei Drittel des Bündner Waldes ist Schutzwald. Ein gesunder Wald ist also die Basis unserer Existenz. Aber wie geht es dem...
