L'emprima giada il 1996 en l'Engelterra. Là aveva surtut il trenader portugais Artur Jorge procurà per discussiuns. El aveva numnadamain bittà or dal cader Adrian Knupp ed Alain Suter. Cun in pari e duas terradas e la Svizra turnada a chasa suenter la prerunda – ed er il trenader era bainbaud puspè istorgia.
Il 2004 en il Protugal aveva Alex Frei procurà per lingias grossas. El aveva spidà sin in giugader Englais durant la partida. L'emprim aveva el snegà quai, ils maletgs da televisiun avevan dentant dà scleriment. Il sulet gol per la Svizra ha Johan Vonlanthen fatg – quai sco pli giuven en l'istorgia da la EM - cun mo 18 onns.
Il 2008 campiunadi europeic an Svizra e l'Austria. Peter surtut per l'attatgader Alex Frei: En la 42avla minuta da la partida d'avertura avant prest 40'000 fans ha el sa blessà ed è i cun larmas giu dal plaz. Da cridar era il resultat da la Svizra da quest campiunadi: Sco pli emprim hospitant croda la Svizra en la prerunda or dal turnier.
Il 2016 en Frantscha il mument magic en l'otgavel final a Saint-Etienne: Il è la 82avla minuta, la Svizra è davos aint cun 0:1 encunter la Pologna. Tgi auter che Sherdan Shaqiri – in gol da l'onn che procura per extasa. I suonda in crimi da penaltis: mo in da 10 na tutga betg; Granit Xhaka.
Il 2021 lura la stad miraculusa, il highlight da 70 onns ballape svizzer: En il 8avel final encunter il campiun mundial Frantscha. Diesch minutas avant la fin da la partida è la naziunala Svizra davos en cun 1:3: Haris Seferovic e Mario Gavranovic spendran la partida en la runda da penaltis. Suenter che nov tiradurs han gia tutgà tegn Yann Sommer il penalti dal superstar Kylian Mbappé. In dals paucs success da la Svizra tar penaltis. En il quartfinal è il turnier a fini per la Svizra, terrada encunter la Spagna suenter penaltis.
