Tenor il rapport èn surtut amfibis sco raunas e rustgs en privel. In pau dapli che 30% da tut las sorts existentas sajan periclitadas. Sumegliant guarda quai ora tar las curalas en il mar. In'autra cifra che dat en egl: 10% dals insects èn periclitads dal murir or. La cifra fa surstar, cunquai che bunamain la mesadad da las 8 milliuns sorts d'animals e plantas existentas èn insects.
En Svizra n'è la situaziun betg bler meglra. La Svizra ha schizunt il pli aut dumber da sorts periclitadas en l'Europa dal Vest, ha il professur da l'universitad Berna, Markus Fischer ditg envers il «Tagesanzeiger». Quai haja surtut da far cun la structura da l'ambient, che cumpiglia spazis relativ pitschens.
La cifra – 1'000'000
Uschè bleras sorts animals e plantas èn periclitadas dal murir or. Quai tenor il rapport mundial da biodiversitad, ch'è vegnì publitgà quest'emna.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter