«Mia idea è stada: porscher ina canorta da sentupada per giasts indigens, porscher ad els in lieu d’inscunter. Ma uss sun jau gia set onns qua e jau sun surprendida dal resultat», di Manuela Orlik. Il concept che ina ustiera è da la damaun enfin saira en ustaria, na consteva betg per Manuela Orlik. Uschia haja ella introducì il concept nov, cun trametter via messadi ils dis ed uras d’avertura sco era la purschida da menu. Uschia ha ella d’avrigl enfin la fin da l'onn blers giasts e buna svieuta. Manuela Orlik è creschida si cun il menaschi dal Miraval. Ses geniturs Martah e Lucas Fry han manà passa 20 onns l’ustaria cun panorama da bellezza. Entschatta dals onns 1990 ha ella manà in temp l'ustaria dals geniturs. Ma cun la naschentscha dal terz uffant ha ella dà a fit il Miraval.
L'onn 2017 ha Manuela surpiglià la secunda giada l’ustaria Miraval a S. Benedetg sur Sumvitg. Ses um Toni e sia mamma Martha Fry (91) en ils mauns dretgs da la cuschiniera autodidactica.
L'onn 2017 ha Manuela surpiglià la secunda giada l’ustaria Miraval a S. Benedetg sur Sumvitg. Ses um Toni e sia mamma Martha Fry (91) en ils mauns dretgs da la cuschiniera autodidactica.
