La resonanza ch'ina orgla baselgia sa crear en ina baselgia è insatge dal pli impressiunant ch'ins po udir en il mund da la musica. En la musica instrumentala po ina buna Brass Band vegnir detg datiers a questa resonanza. Quai na fa betg smirvegliar sch'ins patratga che omadus «corps» fan lur sun entras vibraziuns d'aria en bischens da metal.
L'Artg musical porta las parts dal concert nua che l'orgla e la Brass Band sunan communablamain. Sulet in'ovra suna l'organist Andrea Kuratle persuls, il «Final in B-Dur», l'opus 21 da César Franck.
