Hopfield e Hinton han sviluppà las emprimas raits neuronalas artificialas. Quai en raits che pon emprender entras repetiziun. Sche duas cellas en quella rait communitgeschan in cun l'auter vegn la colliaziun pli ferma, sche duas cellas n'han nagut da far in cun l'auter vegn la colliaziun pli flaivla. Entras quai sa sviluppeschan las raits vinavant e pon enconuscher musters. Noss tscharvè è la pli cumplexa rait neuronala natirala.
Las raits neuronalas artificialas èn la basa per ils divers dievers d'intelligenza artificiala d'ozendi. Tant filters da Spam per e-mails, sco sistems d'assistenza sco «Siri» u autos che van autonom sa basan sin questas raits neuronalas ch'emprendan.
L'entir process vegn era numnà «mashine learning», pia maschinas ch'emprendan da sasez.
Raits neuronalas – la basa per l'intelligenza artificiala
Il Premi Nobel per fisica han survegnì dus perscrutaders ch'han mess la basa per raits neuronalas artificialas – John Hopfield e Geaoffrey Hinton. Senza els na dessi betg l'intelligenza artificiala che nus enconuschin oz.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter