Ils Nockis, la band da success da l'Austria cun lur album «Gefühlsecht». 12 chanzuns tut cun regurdientschas da romanzas passadas. Il sound è en il stil modern, simplamain musica che fa buna luna ed ils text originals derivan or da la vaira veta.
«Mal stark und mal weich, mal Feuer, mal Eis» dentant adina Bernhard Brink.
Trais onns suenter ses album «Lieben und Leben», e dus onns suenter l'album da giubileum «50» e mo intgins mais suenter l'album «Weihnachtsbaum» cuntinuescha il viadi musical da Bernhard Brink cun il proxim disc «Stärker als die Ewigkeit». Il sound traglischa en stil modern che trametta optimissem or en il mund.
Marianne Rosenberg cun «Bunter Planet», ina dunna che fa gia dapi passa 50 onns musica e nè anc ditg betg stancla. Nus tadlain intgins tocs dal 22avel album da studio che cuntigna 14 chanzuns en ses tipic sound da disco e club.
Ils quatter scharmants frars, ils Esteriore Brothers han er edì in disc cun classichers talians. Da quel tadlain las chanzuns «Mamma Maria e Gloria».
E per finir tadlain anc intginas singles novas da Howard Carpendale, Andrea Berg, Leonard, Allessa, Roland Kaiser, Kerstin Ott e dal duo Fantasy.
