In nov termagl che vesa ora sco in normal animal da plisch ha in computer en l’intern, cun il qual ins po manar discurs autentics. Quest termagl è vegnì sviluppà d’ina firma americana cun il num Curio ed utilisescha in program d’intelligenza artifiziala ChatGPT. Perscrutaders da Basilea han examinà quant segiras che las datas dals uffants che discurran cun quest termagl èn.
La perscrutaziun ha mussà che tut quai ch'in uffant di per far termagls vegn tramess en l' internet. Il producent di che questas datas vegnian lura gist stizzadas, ma quai na possia betg vegnir examinà. Ultra da quai exista il privel che hackers pudessan engular e malduvrar las datas.
L’organisaziun «Protecziun d’uffants Svizra» avertescha che tals termagls pudessan violar la sfera privata dals uffants, perquai ch’ils geniturs na sappian betg tge che lur uffants raquintian als termagls. Plinavant possian persunas estras vegnir a quests discurs sur internet.
In auter problem è ch'ils termagls regstreschan discurs, er sche l'uffant na sa betg quai, perquai ch'ins na vesa betg d'ordaifer, sch'il termagl taidla gist u betg.
La Protecziun d’uffants Svizra recumonda da betg cumprar tals termagls e planisescha da sviluppar in simbol d’avertiment che mussa immediat als geniturs nua ch’i dat problems. Ils termagls datti gist mo per englais ed en pitschna quantitad, ma i pudess prest dar dapli da quels termagls d’IA.
La perscrutaziun ha mussà che tut quai ch'in uffant di per far termagls vegn tramess en l' internet. Il producent di che questas datas vegnian lura gist stizzadas, ma quai na possia betg vegnir examinà. Ultra da quai exista il privel che hackers pudessan engular e malduvrar las datas.
L’organisaziun «Protecziun d’uffants Svizra» avertescha che tals termagls pudessan violar la sfera privata dals uffants, perquai ch’ils geniturs na sappian betg tge che lur uffants raquintian als termagls. Plinavant possian persunas estras vegnir a quests discurs sur internet.
In auter problem è ch'ils termagls regstreschan discurs, er sche l'uffant na sa betg quai, perquai ch'ins na vesa betg d'ordaifer, sch'il termagl taidla gist u betg.
La Protecziun d’uffants Svizra recumonda da betg cumprar tals termagls e planisescha da sviluppar in simbol d’avertiment che mussa immediat als geniturs nua ch’i dat problems. Ils termagls datti gist mo per englais ed en pitschna quantitad, ma i pudess prest dar dapli da quels termagls d’IA.
