Tartarugas n'èn forsa betg ils pli sperts animals (almain per terra) dentant han els in bun dun d'orientaziun. Las femellas returnan tar la riva nua ch'ellas èn naschidas per pudair metter là lur ovs. Quai malgrà ch'ellas sa nodan millis da kilometers en la mar. I dat 327 spezias e 200 sutspezias da tartarugas ed ins chatta ellas sin tuts continents auter ch'en las regiuns polaras. Bleras pon vegnir fetg veglias, intginas schizunt passa 100 onns.
Mintgamai ils 23 da matg è il di mundial da la tartaruga per far attent sin la problematica che bleras sorts èn periclitadas pervia da la massa da plastic en ils oceans, pervia da la midada dal clima e la pestga industriala.
