Ir en la stizun e pachetar ils products giavischads directamain en la tastga e lura bandunar la stizun senza prender or la bursa ubain il telefonin per pajar. Quai è pussaivel grazia ad intelligenza artificiala en tschertas filialas d'in grond detaglist en Germania, quai ha l'emissiun Kassensturz da SRF rapportà.
Quai che la clientella sto però far è sa registrar cun l'app dal detaglist e colliar quella cun ina metoda da pajar, p. ex. la carta da credit - suenter daventa la cumpra svelta ed effizieta. Per che quai funcziunia vegn la clientella dentant observada da 800 camera ch'èn repartidas en l'entira filiala. Quellas registreschan la persuna ed ils products ch'ella prenda da la curuna e metta en la tastga. Sper quai han las curunas er sensurs che realiseschan tge e cons products che vegnan prendids. Uschia vegnan las infurmaziuns tramessas a l'app ed a la fin da la cumpra quintadas giu via app e sistem da pajar. Quai è actualmain pussaivel en ina fasa da test en diversas stizuns dal detaglist Rewe en Germania.
Cumpra svelta e pli pauc persunal
Uschia dovri per la cumpra adina pli pauc persunal. Bajegiar giu persunal na saja dentant betg la finamira dal project da cumprar en che sa basa sin intelligenza artificiala, di la manadra da project. I giaja per pussibilitar a la clientella ina cumpra nuncumplitgada. Quest sistem fetschia dentant er frunt a la mancanza da persunal. Plinavant pudess'ins pensar ch'i pudess vegnir pli bunmartgà da cumprar en uschia sch'ins spargna custs da persunal. Actualmain mussan però diversas retschertgas che talas furmas d'inteligenza artifiziala augmentan plistot ils pretschs.
En Svizra n'è questa moda da cumprar en anc betg in tema, uschia han divers detaglists ditg sin dumonda da Kassensturz. Uschèbain Coop sco er Migros na prevesian il mument betg talas automatisaziuns. Spar percunter ha scrit ch'els examineschian las pussaivladads en lur manaschi.
Quai che la clientella sto però far è sa registrar cun l'app dal detaglist e colliar quella cun ina metoda da pajar, p. ex. la carta da credit - suenter daventa la cumpra svelta ed effizieta. Per che quai funcziunia vegn la clientella dentant observada da 800 camera ch'èn repartidas en l'entira filiala. Quellas registreschan la persuna ed ils products ch'ella prenda da la curuna e metta en la tastga. Sper quai han las curunas er sensurs che realiseschan tge e cons products che vegnan prendids. Uschia vegnan las infurmaziuns tramessas a l'app ed a la fin da la cumpra quintadas giu via app e sistem da pajar. Quai è actualmain pussaivel en ina fasa da test en diversas stizuns dal detaglist Rewe en Germania.
Cumpra svelta e pli pauc persunal
Uschia dovri per la cumpra adina pli pauc persunal. Bajegiar giu persunal na saja dentant betg la finamira dal project da cumprar en che sa basa sin intelligenza artificiala, di la manadra da project. I giaja per pussibilitar a la clientella ina cumpra nuncumplitgada. Quest sistem fetschia dentant er frunt a la mancanza da persunal. Plinavant pudess'ins pensar ch'i pudess vegnir pli bunmartgà da cumprar en uschia sch'ins spargna custs da persunal. Actualmain mussan però diversas retschertgas che talas furmas d'inteligenza artifiziala augmentan plistot ils pretschs.
En Svizra n'è questa moda da cumprar en anc betg in tema, uschia han divers detaglists ditg sin dumonda da Kassensturz. Uschèbain Coop sco er Migros na prevesian il mument betg talas automatisaziuns. Spar percunter ha scrit ch'els examineschian las pussaivladads en lur manaschi.
