Andrea Berg è naschida l'onn 1966 a Krefeld en Germania ed ella fa dapi varga 30 onns musica. Ella è la chantadura cun il pli grond success en l'istorgia dals charts tudestgs. Fin oz ha ella vendì varga 13 milliuns portatuns e passa 900 emnas è ella stada en ils charts dals albums en Germania. Oz, tadlain ses 18avel album da studio «Andrea Berg».
Plinavant datti anc intginas singles novas dad: Eric Philippi, Anita Hofmann, Christian Torchiani, Andreas Gabalier, Nadine Sieben, Beatrice Egli, die Apostel e sco finiziun avain anc dus semperverds dal schlagher en vestgì nov e quai èn «Guten Morgen Sonnenschein e Weisse Rosen aus Athen» da la «Grande Dame» da la Grezia, da Nana Mouskouri che ha pudì festivar dacurt ses 90avel anniversari. Per quest grond di ha sia firma da plattas edì il disc «Happy Birthday, Nana». Da quest album tadlain ses dus classichers arranschads da nov ensemen cun il Royal Philharmonic Orchestra da Londra. Bun divertiment ed a Nana Mouskouri in grond Happy Birthday.
Redacziun: Christa Soliva
