Questa strategia sa numna generalisar. Ella è fitg pratica ed economica, producescha però era sbagls, perquai ch'ina lingua funcziuna cun bleras excepziuns. Da las reglas generalas pon damai resultar surgeneralisaziuns. Tant saja tradì: er il senzegl è ina tala.
Plinavant poi esser – capaivlamain – grev per in uffant d'identificar ils cunfins dals pleds en la lingua pledada. Da quai datti mintgatant pleds fitg creativs, leghers e gnocs. Tgi sa p.ex. tge ch'è in taletg?
