Pesticids dovran ins per proteger plantas, animals, carstgauns e materialias da parasits, bacterias e virus. Gia uss vala: Avant che pesticids pon vegnir nizzegiads en Svizra vegnan els controllads exact ed i dovra ina lubientscha da las autoritads. Per las iniziantas ed iniziants na bastan las perscripziuns existentas dentant betg.
Il Cussegl federal ed il parlament federal recumondan da refusar l'iniziativa. Il parlament haja avant curt decidì midadas en la lescha per sminuir ils ristgs da pesticids sintetics.
Tar las posiziuns sa mussan differenzas tranter las partidas sanestras e las partidas burgaisas. Las partidas grischunas èn sa posiziunadas tuttina sco lur partidas mamma.
Sin in clic tut las fatschentas federalas, chantunalas e communalas: rtr.ch/votaziuns