Aua netta è in dals bains ils pli custaivels per ils umans. Perquai vul l'iniziativa midar la structura tar las subvenziuns. Vul dir: Pajaments directs survegnan be pli quels manaschis che resguardan las novas cundiziuns.
Il Cussegl federal ed il parlament mussan chapientscha per il giavisch da l'iniziativa, ella giaja dentant memia lunsch. Il parlament haja plinavant midà dacurt la lescha per sminuir ils ristgs da pesticids sintetics.
Tar las posiziuns sa mussan differenzas tranter las partidas sanestras e las partidas burgaisas. Las partidas grischunas èn sa posiziunadas tuttina sco lur partidas mamma (quellas che han gia decis lur parolas).
Sin in clic tut las fatschentas federalas, chantunalas e communalas: rtr.ch/votaziuns