Uschia han Grischunas e Grischuns vuschà:
Il Grischun è s'exprimì cleramain en favur da la lescha da chatscha revedida, cun 67.29% vuschs Gea cunter 32.71% vuschs Na. La participaziun a la votaziun munta en il Grischun a 61.99%.
Era las grondas vischnancas grischunas sco Cuira e Tavau han approvà la revisiun da la lescha da chatscha. A Cuira han var 55% dals votants e da las votantas ditg Gea, a Tavau radund 62%.
La Surselva ed il Puschlav èn duas regiuns che crodan en egl, en omaduas hai dà totalmain passa 80% Geas a la lescha da chatscha. La regiun cun il pli pitschen sustegn per la lescha è Plessur (cun Cuira, Arosa ed in pèr vischnancas pli pitschnas).
