Il Cusseglier federal Alain Berset ha lantschà oz la campagna da votaziun per in congedi da paternitad da duas emnas. En il num dal Cussegl federal, sco er dal parlament sustegn el il project.
La regenza ed il parlament proponan a la populaziun d’acceptar il congedi. Ils custs sajan absolutamain supportabels ha ditg Berset. Sche la populaziun di gea al congedi, pudess quella entrar en vigur per l’entschatta 2021. La populaziun svizra decida ils 27 da settember davart il congedi da paternitad da duas emnas.