I saja in Gea a la promoziun da las dunnas. Uschia argumenteschan ils aderents las pli autas deducziuns da taglia per la tgira d'uffants. Il comité independent ha lantschà oz sia campagna per la votaziun dals 27 da settember.
Cunzunt mammas cun autas qualificaziuns vegnian starmentdas ozendi da puspè auzar lur pensum da lavur perquai ch'ellas stoppian pajar dapli taglia. Pudair trair giu dapli per la tgira d'uffants cumbattia questa situaziun malgista e saja uschia er ina promoziun da las dunnas.
Part dal comité fan represchentants da la PPS, PLD, fracziun dal center, da la Giuvna PCD Svizra e da l'Uniun svizra d'artisanadi e mastergn (SGV).
