- Actualmain hai var 6 kilometers colonna avant il portal sid dal Gottard. Tenor Viasuisse èsi da quintar là cun in temp da spetga.
- Era sin la ruta alternativa - via il San Bernardino - è il traffic surchargià ed igl è da quintar cun temp da spetga.
- Ma era sin auters trajects ed en direcziun sid è il traffic grond.
Gia enturn las diesch stuevan automobilistas ed automobilists spetgar diesch minutas avant il portal dal sid dal Gottard. Lura avevi in kilometer colonna tranter Quinto ed Airolo, quai tenor Viasuisse.
Via A13
Pervi da bler traffic stagneschi sin l'autostrada A13 direcziun nord. Cun in temp da spetga èsi era da far quint tranter Rothenbrunnen e La Punt/Reichanau. Er tranter Zizers ed il campadi Heidiland stagnescha il traffic.
Mesemna - direcziun sid
La mesemna e la gievgia hai dà, cun ir direcziun sid, mintgamai 10 fin 12 kilometers colonna sin la ruta dal Gotthard. L’onn passà n’aveva quai pervi da la pandemia betg dà colonnas.