Anc mai han las Viafiers federalas svizras transportà uschè blers passagiers e passagieras sco tranter il schaner ed il zercladur passà. Per di èn quai stadas 1,33 milliuns persunas, sco la SBB CFF scriva. Quai sajan 21,4% dapli en congual cun il 2022 e 3% dapli cun il 2019.
Cifras nairas
Las Viafiers federalas nodan er per l'emprima giada dapi il 2019 puspè cifras nairas. Bunamain 100 milliuns francs munta il gudogn da l'emprim mez onn 2023. Quai tuna tut auter ch'il minus da passa 140 milliuns, da l'emprim semester dal 2022. Pervi dals gronds debits da 11,4 milliardas francs restia la situaziun finanziala dentant tendida.
audio
Per tadlar: las novitads da las 12:00
ord RTR Audio dals 04.09.2023.
laschar ir. Durada: 5 minutas 9 Secundas.
