Il Departament federal per fatgs da l'exteriur EDA ha inoltrà in plant cunter nunenconuschent, en connex cun il viadi en l'Ucraina dal President da la confederaziun Ignazio Cassis. I vegn suspectà ch'il secret d'uffizi saja vegnì violà, perquai ch'ils plans da viadi eran vegnids a la publicitad.
Gia dis avant la visita en Ucraina avevan differentas medias rapportà dal viadi. Questas indiscreziuns avessan pudì periclitar il president da la Confederaziun e sia delegaziun, scriva la gasetta Le Temps. Ils 20 d'october era Cassis viagià a Kiev e s'inscuntrà cun il president ucranais, Wolodimir Selenski.