En blers chantuns pajan possessuras e possessurs da chasa memia pauca taglia perquai ch'ils uffizis da taglia na pretendan betg avunda. Quai mussa ina retschertga da la NZZ am Sonntag. En differents chantuns hajan uffizis da taglia valità memia bass las immobiglias.
Proprietaris da chasa profitan
Ils uffizis hajan uschia ignorà il fatg che la valur d'immobiglias saja creschida ils ultims onns, uschia la NZZ am Sonntag vinavant. Tenor la lescha stoppian la stimaziuns s'orientar a la valur actuala. La sut-valitaziun da las immobiglias giaja a favur da possessurs e possessuras da chasas ed a disfavur da tut quels e quellas che prendan a fit lur abitaziun u chasa, uschia il professur d'economia da l'Universitad da Basilia Kurt Schmidheini.
Tenor la gasetta haja per exempel il chantun Turitg actualisà l'ultima giada la valitaziun l'onn 2009. In bun exempel saja dentant il chantun Lucerna. Là preschentia il maun public mintga tschintg onns ina valitaziun dal martgà.
