Tranter Erstfeld e Göschenen ed al post dal cunfin a Chiasso hai sonda dà colonnas envers il sid. Davent da las 18:00 èn las vias puspè stadas libras.
Il servetsch da traffic TCS quinta cun bler traffic fin il glindesdi en direcziun da l'Italia. Er l'A13 sur il San Bernardino vegnia ad esser pertutgada. Las colonnas possian vegnir fin 10 kilometers lungas.
Nagins problems als eroports da Turitg e Basilea
Als eroports ha il temp da vacanzas cumenzà senza grondas colonnas tar ils check-ins. I saja bain grond travasch, però fin ussa senza incaps pli gronds, uschia l'eroport da Turitg che quinta tals dis cun passa 100'000 passagers mintga di. E l'Euroairport a Basilea vegn quintà cun fin a 30'000 passagiers e passagieras mintga di era qua senza incaps e colonnas grondas.
Per la proxima fin d'emna quintan ils eroports però cun anc dapli passageras e passagers. I saja però difficil da prognostitgar temp da spetga ins quinta però ch'i po dar dapli temp da spetga che oz cun temps da mo fin 13 minutas.