En Svizra datti 52 aglomeraziuns, trais dapli ch'anc avant 10 onns. En questas 52 aglomeraziuns vivan 6,6 milliuns persunas. Quai sajan bunamain trais quarts da l'entira populaziun svizra, sco quai che l'Uffizi federal da statistica communitgescha. Vegnì vitiers sco novas aglomeraziuns èn las vischnancas da Burgdorf en il chantun Berna, Mels/Sargans en il chantun Son Gagl e Reinach en il chantun Argovia. Bunamain la mesadad da las 2'131 vischnancas svizras è ozendi pia part d'ina aglomeraziun. Malgrà ch'il dumber da las aglomeraziuns è creschì n'è il dumber da las persunas che vivan en in'aglomeraziun entant betg s'augmentà.
10 citads dapli
Tenor la statistica da l'Uffizi federal da statistica correspundan 172 vischnancas als criteris d'ina «citad statistica», pia vischnancas cun dapli che 10'000 abitantas ed abitants. Quai èn 10 dapli che tar la davosa dumbrada. Nagina citad statistica è ina vischnanca champestra che sa cumpona da plirs vitgs gronds.
14% da la populaziun vivan en la champagna.
