Fin l'onn 2050 duai la Svizra avair midà ses provediment d'energia. Quai ha il suveran svizzer decidì il 2017. A curta vista sajan ins sin buna via, tant tar las energias regenerablas sco er tar l'effizienza d'energia. Uschia statti en il monitoring annual da l'Uffizi federal d'energia. Il facit è tenor l'agentura da novitads Keystone-SDA bunamain il medem sco avant in onn.
A lunga vista dettia dentant anc grondas sfidas per realisar la strategia 2050. Sfidas dettia per exempel tar las raits electricas, cun quai che l'electricitad stoppia vegnir producida pli savens a moda decentrala.
Ord l'archiv
Il 2017 ha il suveran svizzer acceptà la strategia d'energia 2050. Il cusseglier guvernativ Mario Cavigelli ed il cusseglier naziunal han discutà en il «Telesguard» davart las consequenzas per il Grischun.
