Legenda:
Per evitar ina mancanza da pischada sin il martgà ha l'uffizi federl per agricultura augmentà il contigent d'import.
Keystone
cuntegn
Uffizi federal d'agricultura - «En Svizra smanatscha ina mancanza da pischada»
En Svizra smanatscha per l'emprima gaida dapi onns ina mancanza da paintg u pischada sin il martgà. L'uffizi federal per agricultura augmenta perquai il contingent d'importar paintg per 1'000 tonnas.
L'entschatta matg sajan ils magasins stads sin in fitg bass stan da 2'300 tonnas, hai num en ina communicaziun dal departament federal. L'organisaziun da la branscha da latg haja perquai fatg la dumonda d'augmentar il contingent d'importar paintg.
1'000 tonnas correspundan a radund 2,3% da la pischada vendida en Svizra per onn. L'organisaziun da la branscha ha argumentà ses pass cun il fatg, ch'i dovria fin l'avrigl reservas da radund 4'000 fin 5'000 tonnas pischada per garantir il provediment sur l'entir onn or.
