En il chantun Turitg vala davent il glindesdi in obligatori da mascrina davent la quarta classa primara. A las scolas medias vegn il dumber dals scolars preschents reducì sin la mesadad.
Cun questas mesiras pli severas vegl'ins restrenscher la derasaziun da novas variantas dal coronavirus, communitgescha la direcziun da furmaziun dal chantun Turitg. Mesemna ha gia il chantun Argovia annunzià mesiras pli severas. Scolas medias e scolas professiunalas, pia scolas dal stgalim secundar II, ston far davent il glindesdi instrucziun sin distanza fin la fin da favrer.