A Turitg pretenda in'iniziativa tgietschen-verda ina via publica enturn l'entir lai da Turitg. Ils iniziants da l'iniziativa accentueschan che la lescha naziunala prevesa che rivas da lai èn da princip publicas. Al Lai da Turitg n’è quai dentant betg il cas. Pliras privatas e privats possedan parts dal terren enturn il lai.
Uschia duain las possessuras e possessurs dal terren enturn il lai vegnir expropriads. La regenza chantunala da Turitg quinta cun auts custs. En il parlament chantunal ha ina maioritad votà cunter l'iniziativa. L'entschatta mars da l'auter onn po il suveran da Turitg decider davart l'iniziativa.