Il glindesdis ha il Cussegl federal appellà a tuttas Svizras e Svizzers che sa chattan en l'exteriur da returnar enavos en Svizra. Uss duajan burgais svizzers ch'èn en l'ester ed èn bloccads sa registrar sur l'applicaziun «Travel Admin App». Quest appel vegn dal Departament federal d'affars EDA.
En il mument sappia l'EDA be d'ina part da las persunas bloccadas e nua ch'ellas sajan exactamain. L'applicaziun «Travel Admin App» pussibiliteschia a l'EDA da trametter a las persunas pertutgadas infurmaziuns e da contactar ellas. Per ch'ins sappia reagir correct e tegnair la survista, appellescha l'EDA vinavant a tut quels che sajan gia turnads enavos da stizzar las datas en l'applicaziun.