Pliras stgomias e plirs binaris èsi da remplazzar. Plinavant ina punt sur ils binaris ora. Perquai han las Viafiers federalas restrenschì il manaschi da la staziun Lucerna fermamain.
Sulettamain ils trens d'Engelberg e Brünig arrivan e partan da la staziun. Per viagiar a Lucerna ston ins prender bus da remplazzament ch'èn mess a disposiziun. Las lavurs a la staziun cuntinueschan anc fin glindesdi da bun'ura. Igl è gia la terza giada che las Viafiers federalas ston prender da quellas mesiras a la staziun da Lucerna.