Sco emprim chantun svizzer introducescha il Tessin in congedi da geniturs da duas emnas. Il Cussegl grond dal Tessin ha approvà la proposta cun 43 cunter 37 vuschs.
Igl è stà la segunda votaziun davart il congedi da geniturs. La proposta d'in deputà socialdemocratic d'auzar il congedi da maternitad per 6 emnas han blers quintà sco exagerada. La sanestra ed il center han lura proponì d'introducir persuenter da nov il congedi da geniturs.
