Terratrembel en Germania - Er en Svizra hai tremblà
En la Germania dal Sid ha stremblì la terra la notg passada. Il terratrembel haja gì ina fermezza da 3,9. Quai ha communitgà il Servetsch seismologic svizzer.
L’epicenter saja stà radund 50 kilometers en il nordost da Schaffusa en ina profunditad da bunamain set kilometers. Er en parts da la Svizra hajan ins sentì il terratrembel. Indicaziuns davart donns na datti betg.
L’onn current haja dà radund 1’200 terratrembels en Svizra. Dentant sentia la populaziun da quai be enturn 10 fin 20.