En il Vallais han las vignas patì quest onn da la schelira, granella e la sfarinussa. L’Uniun da puras e purs a Chamoson en il Vallais tema che purarias ch’han quest onn ina racolta bler pli pitschna, sa serva perquai tar vignas d’autras purarias, rapporta SRF.
Uss datti er scumonds: Persunas estras na dastgan betg pli passar sin las parcellas. Tavlas fan attent al scumond. E la polizia fa controllas. Durant la notg dovra ina guardia ina camera termica.
Perquai ch'igl è vegnì engulà l'emna passada a Chamoson malgrà tuttas mesiras plirs tschient kilos ivas, pondereschan tscherts viticulturs er d'installar cameras. Quest onn èn gia grondas quantitads d’apricosas e spargias sparidas en il chantun.