A chaschun dal giubileum da 175 onn Constituziun federala ha la Munaidaria federala Swissmint producì ina munaida speziala d'aur ed argient. La munaida mussa d'ina vart simbols da la preambla da la constituziun, da l'autra vart dus anghels che portan la vopna svizra. Creada è la munaida vegnida da l'artist d'Olten Peter Salzmann. La munaida d'aur ha ina valita nominala da 50 francs, i dat 5'000 exemplars da quella.
A chaschun da festivitads da 175 onns
L'emprima fin d'emna da fanadur datti a Berna festivitads a chaschun dals 175 onns Constituziun federala. Là po la populaziun cumprar las munaidas. Sper quai èsi lura er pussaivel da visitar ils edifizis da la Confederaziun. La cussegliera federala Karin Keller-Sutter ha preschentà la munaida glindesdi a Berna.
audio
Per tadlar: las novitads da las 16:00
ord RTR Audio dals 05.06.2023.
laschar ir. Durada: 2 minutas 54 Secundas.