In um da 27 onns era vegni arrestà l’avrigl 2015 a la plazza aviatica da Turitg. El vuleva sgular ad Istanbul ed alura vinavant envers la Siria. Il Tribunal penal federal ha sentenzià l’um pervi ch’el haja cuntrafatg a la lescha federala che scumonda la commembranza a las gruppaziuns d’Al Kaida e dal Stadi Islamic sco er a organisaziuns parentadas.
Tribunal federal confermà la sentenzia
Il Tribunal federal è dal avis che gia l’intenziun da far viadi en il dschihad po avair in effect da propaganda e pudess uschia animar autras persunas da far il medem pass, quai scriva il Tribunal federal en sia sentenzia.
RR novitads 16:00