Legenda:
La banca gronda UBS ha pudì augmentar ses gudogn per 88% cumpareglià cun la medema perioda da l'onn avant.
Keystone
cuntegn
Svizra - UBS cun ferm 1. quartal
La banca UBS ha fatg il prim quartal dal 2015 in gudogn da 1,977 milliardas francs. Cumpareglià cun l’onn avant è quai in plus da 88%. Lura aveva la banca anc scrit in gudogn dad 1,05 milliardas.
Sco quai che l’UBS communitgescha, sajan tant la sparta administraziun da finanzas sco er l’investmentbanking sa megliurads cumpareglià cun la medema perioda da l’onn avant.
Er per l’avegnir sa mussa la banca da buna speranza. Ella punctuescha bain las ristgas existentas, parta dentant dal fatg ch’ella possia anc ina giada attrair dapli daners novs il quartal current.
