Tgi che prenda a fit in’abitaziun u chasa na po betg far valair ina reducziun dal tschains quest atun. Il tschains da referenza per ils fits da l’abitaziun resta numnadamain sco fin qua tar 1,5%. Quai communitgescha l'Uffizi federal d'abitaziuns.
Nagin dretg sin reducziun dals tschains
Damai ch'il tschains da referenza n'è betg sa midà dapi il quartal passà, n'han ils locataris nagin dretg sin ina reducziun dals tschains. Quest dretg han els mo, sch'il tschains da locaziun n'è betg actual, vul dir sch'el sa referescha sin in tschains da referenza pli aut e sch'il locatur profitescha entras quai d'in gudogn exagerà.
Adina sa reducì
Dapi ch'il tschains da referenza è vegnì introducì n'è quel anc mai creschì. Il 2008 era quel anc tar 3,5% dapi lura è el sa reducì cuntinuadamain. Dapi il fanadur da l'onn passà è quel tar 1,5% – in bass da record.
RR novitads 10:00